III CONCURSO DE MICRORRELATO ON LINE. MONUMENTOS DE OURENSE

Con motivo da celebración da Semana das Letras Galegas que terá lugar do 7 ao 17 de maio de 2015, a Concellería de Educación convoca o Terceiro Concurso de Microrrelato on line no que  podedes participar.

Xa estamos admitidos.

Haberá que seleccionar dous traballos por clase; eses microrrelatos serán publicados en internet e terán a posibilidade de gañar un premio. Déixovos as BASES:

“I I I CONCURSO DE MICRORRELATO ON LINE”

 BASES CONCURSO

1. Poderán participar alumnado de 3º ciclo de EP, ESO, BACHARELATO E CICLOS FORMATIVOS de centros de ensino da cidade de Ourense.

2. Establécense dúas categorías: Unha para o 3º ciclo de Ed. Primaria e outra para ESO e ESPO

3. O microrrelato deberá realizarse individualmente, ter título e estar escrito en galego nun máximo de 180 palabras. A temática será “Monumentos de Ourense”

4. Os textos presentados deben ser inéditos e orixinais e a primeira selección será realizada polo profesor ou profesora de lingua galega de cada centro participante, sen exceder de 2 microrrelatos por aula e respectando sempre as bases e que os contidos non sexan de carácter ofensivo

5. O prazo de presentación rematará o 10 de abril de 2015 ás 14:30h

6. Cada traballo presentado deberá ser enviado polo profesor ou profesora por e-mail indicando o centro de ensino e o curso, así como o título do relato e o nome e apelidos do autor ou autora do mesmo. Posteriormente será colgado na web pola coordinadora da actividade

7. O certame establece dous premios de 2 tablets (un para a categoría de 3º ciclo de EP e outro para a categoría de ESO e ESPO)

8. O xurado estará composto por un escritor e persoal técnico das Concellerías de Educación e/ou Cultura

9. A entrega de premios realizarase durante a  Semana das Letras Galegas

10. Na marxe dereita da nosa páxina web, haberá un apartado durante todo o curso escolar ao que se poderá acceder sen contrasinal ás bases e ós microrrelatos publicados

11. Os mellores traballos poderán ser recompilados para ser publicados nun futuro pola Concellería

    12..A participación neste certame implica a  aceptación das bases.

Non sei se servirán estes monumentos? Supoño que si, vede o significado de monumento:

1.    Obra construída na honra de alguén ou de algo para que sexa recordado permanentemente. Exemplo: Na alameda de Santiago hai un monumento a Rosalía.
2.    Edificio ou construción importante polo seu valor histórico ou artístico. Exemplo: Foron de excursión a Compostela para contemplar os numerosos monumentos. (Dicionario RAG)

Consultade Escultura urbana no Concello de Ourense.