O DÍA DA BIBLIOTECA

Nós tamén queremos celebrar o Día da  biblioteca , o 24 de outubro, aínda que eu penso que  tódolos días do ano son días de blioteca e de lectura. Pedro Laín Entralgo dicía: "la lectura nos regala compañía, libertad para ser de otra manera y ser más".

As bibliotecas poden definirse como lugares onde se gardan os libros e outros documentos gráficos e audiovisuais para ser consultados ou prestados. Pero a vós non vos parece que as bibliotecas son espazos con vida? A vida dámoslla os lectores. Que sería dos libros se estivesen sempre colocados nos andeis? A eles gústalles que nós os collamos e os leamos porque están desexosos de ocupar o noso tempo de ocio para entreternos e ensinarnos. Ese día faremoslles compañía.

Vede que solitaria estaba a nosa biblioteca cando se lle fixeron estas fotografías:

Para celebrar o Día da biblioteca a Consellería de Educación editou este cartel cunha imaxe dunha autora galega,  Emma Ríos:

 Se consultades Bibliotecas escolares de Galicia, ademais deste cartel, veredes outros e unha explicación do que son e poden ser as bibliotecas escolares:  

  "Lugares de encontro e de convivencia, espazos de aprendizaxe e de contacto gozoso coa cultura escrita; integración dos distintos soportes e formatos que albergan a información e os contidos culturais, oportunidades para soñar e imaxinar; apoio para a adquisición de competencias básicas e construción de coñecementos de calquera tipo; escolas de cidadanía." 

A través de internet  tendes acceso a moitos textos literarios e doutro tipo; tamén a posibilidade de descargalos. A Biblioteca Virtual Galega, xa a coñecedes, pero hai enlaces a outras moitas bibliotecas no Portal Educativo da Xunta.

Podedes ler poesía nesta Antoloxía e lela e escoitala en Son de poetas.

No bog ROMASANTA hai unha selección de vídeos, adaptados ó nivel do alumnado, que propoñen para celebrar este día. Grazas polo traballo.