30.11.12

O HOME ALMOFADA. MARTÍN MCDONAGH

Os alumnos de BAC poderedes asistir á representación da obra O HOME  ALMOFADA de Martín Mcdonagh, o día 5 de decembro. Xa sabedes que os que tendes exame non poderedes ir.



Déixovos unha sinopse da obra:

Nun país totalitario sen nome, Katurian, unha escritora de macabros contos infantís, está sendo interrogada por unha parella de policías a causa da aparición na cidade dunha serie de cadáveres de nenos. O modus operandi do asasino é similar ao que ela describe nalgúns dos seus relatos. Con todo, ela loita pola súa inocencia. Todo cambia cando descobre que na cela contigua está presa a súa irmá, que padece un forte trastorno psicolóxico por malos tratos de cando era nena, e tamén vai ser interrogada.  Katurian tentará entrar en contacto con ela e o resultado deste encontro disipará as dúbidas sobre os asasinatos, pero abrirá outras incógnitas, aínda máis intensas e preocupantes...
Espectáculo de grande intensidade que afonda no influxo que a violencia xoga no desenvolvemento do individuo desde unha perspectiva tenra e sarcástica a un tempo.
Profunda tamén na necesidade humana de imaxinar ficcións, de contar historias como medio para a redención ou para a pura supervivencia en circunstancias límite, como vía  para combater a fugacidade e a brutalidade da vida.

No hay comentarios:

Publicar un comentario