22.3.14

CONTOS DE MEDO NO MUSEO. SAÍDA DIDÁCTICA A LUGO




O 7 de abril é o día en que algúns alumnos de 2º ESO visitaredes o Museo de Lugo e O Centro de Interpretación da Muralla

A visita ó museo vai precedida da lectura do libro Contos de medo no museo. Algúns xa rematariades a lectura e outros aínda andaredes co libro ás voltas lendo os contos de Marilar Aleixandre, Fina Casalderrey, Xosé A. Neira Cruz e Antonio Reigosa. Ademais, desde os contos, descubriredes distintas dependencias do museo e algunhas das obras expostas nas salas do mesmo.

O alumnado de 2º A xa sabe que traballo temos pendente. As exposicións son o día 31 de marzo e o 1 de abril. Así imos coñecer mellor a Xulia Minguillón, Antonio Fernández, Laxeiro, Castelao... E ata podemos aprender, se non o sabemos, que é un bargueño e descubrir outras moitas cousas de interese.

Noutros cursos leuse o libro Contos do museo. Vede o traballo de Marisa en MARÉS A DESHORA

No hay comentarios:

Publicar un comentario