11.1.16

MOITA CHUVIA


Se comparades estas dúas fotografías e vos fixades nos ollos d'A Ponte Romana de Ourense, podedes facervos unha idea da como andamos de chuvia.

O malo é que os refráns son moi sabios e hai un que di: moita chuvia en xaneiro, mala anada no cabaceiro.

No outono

No inverno

Consultade a entrada de Xaneiro mollado, se non é bo para o pan, é bo para o gando, de Caderno da lingua,  e veredes a riqueza lingüística da lingua galega para nomear a chuvia.


Este poema de Díaz Castro vén ó conto:


Chove e máis chove, chove e rechove,
chove na probe casa do probe,
chove en Galiza, mais sen parar,
chove na terra, chove no mar;
bágoas dun pranto inestiñíbel,
chove unha choiva inesquecibel;
chove no esterco, chove nas rosas,
chove nas vosas, chove nas nosas.
Chove na espranza que leva o vento,
chove no amor e no tormento,
chove no orfiño que está a chorar,
chove na moza que vai casar.
Chove na laxe e no laxeiro,
chove no barro e no barreiro;
chove na noite, chove no albor
do novo día, «meu doce amor»;
chove nas beiras e nas ribeiras,
chove nas chousas, chove nas leiras.
Chove nos condes, e nos marqueses,
chove nos días, chove nos meses...

(Publicado na revista
Dorna, n.º 17, xaneiro de 1991)

Podedes ver o vídeo que aparece en Carta xeométrica.

No hay comentarios:

Publicar un comentario