24.2.16

DÍA DE ROSALÍA 2016




Non puiden asistir ós actos de homenaxe á Rosalía organizados no IES Blanco Amor, o meu último lugar de traballo. Estou segura de que deica uns días poderei ver unha síntese dos mesmos nas publicacións de LECTURAS

Eu celebrei este día mercando libros galegos que lerei cando remate os que me acompañan estes días: Lourenço, Xograr, de Manuel Portas e O último día de Terranova, de Manuel Rivas. Xa vos falarei dos que merquei.

En Praza Pública podemos ver un feixe de citas para celebrar a Rosalía. Gústame a iniciativa do Grupo RosalAuria :


"En Ourense, o mesmo día 24 de febreiro ás 18 horas, o Grupo RosalAuria comezará a celebración do Día de Rosalía no fondo da rúa Rosalía de Castro, onde comeza a pasarela do Miño pola beira do barrio da Ponte. O obxectivo é retomar a iniciativa de solicitar que a rúa dedicada á escritora teña a súa prolongación na pasarela que une as dúas partes da cidade. Trátase dunha pasarela moi transitada e coñecida pola cidadanía, que non ten nome e que desemboca precisamente na rúa que leva o nome de Rosalía que, pola contra, é case descoñecida en Ourense. O acto iniciarase no lugar acordado coa colocación dun cartel co nome da rúa, o recitado de poemas e reparto de poemas de Rosalía entre o público asistente. O acto continuará coa colocación doutro cartel no outro estremo da pasarela, con novo recitado e reparto, para finalizar na entrada do centro comercial Ponte Vella".

1 comentario:

  1. Thanks for sharing, nice post! Post really provice useful information!

    FadoExpress là một trong những top công ty chuyển phát nhanh quốc tế hàng đầu chuyên vận chuyển, chuyển phát nhanh siêu tốc đi khắp thế giới, nổi bật là dịch vụ gửi hàng đi đài loangửi hàng đi pháp và dịch vụ gửi hàng đi canada uy tín, giá rẻ

    ResponderEliminar