Estase aproximando a Candeloria, o día 2 de febreiro, a festa da luz e día do amor nos antigos costumes galegos.
Miña nai fala do "Día das Candelas" e cóntame que nese día se bendicían as candeas que despois se conservaban e se acendían para calmar as treboadas. Tamén me conta que nese día se casan os paxariños.
Agora que lin a entrada de marlou e a explicación de Galicia Espallada, sei máis cousas. Facédeo vós e entrade tamén na Wikipedia para informarvos sobre a Candeloria.
Foto de marlou.
Xa que o día 2 é o día do Amor en Galicia, vós habedes de celebrar máis o día de San Valentín, imos copiar o que van facer no IES Félix Muriel. A ver que conseguimos.
Que sentido teñen estas fotos?
Da Candeloria miña nai sempre di que era a primeira festa do ano despois dos Remedios, era en Cudeiro e sempre ía moito frío (non sei se iso o consideraban malo ou bo) pero vexo que é algo menos amante do poético cá túa.
ResponderEliminarAmante do poético creo que si pero poesía non che puido ler moita. O seu é a literatura popular que é a que puido ter acceso. Cando lle lin o refrán que aparece na Galicia Espallada, "a partir da Candeloria ningunha ave voa soa", díxome que lle era coñecido.
ResponderEliminarA explicación de que nestas datas os paxariños casan ten sentido porque a Candeloria considerábase como a festa do amor e do apareamento no reino animal.
Grazas polo comentario, botábaos de menos.