DÍA MUNDIAL DO LIBRO

Lede este poema de Carlos Negro. Penso que a súa lectura  pode servirnos  para celebrar o día do libro.

UN LIBRO É:

Unha illa de luz na xema dos dedos.

Unha porta sempre entreaberta.

Unha duna cara o vento.

Unha nube sobre a herba.

Unha casa encantada.

Unha laranxa do paraíso.

Unha carapucha vermella.

Unha bufanda colorada.

Unha alfombra no ceo.

A pulga e o xigante.

A rosa e o cravo.

A serpe e a mazá.

A fonte e o cervo.

A flor da candea.

A fenda do espello.

A lúa na boca.

A tona do tempo.

A pedra e o canto.

A voz e o silencio.

O lugar da lectura.

Que é un libro para vós? Esta pregunta vai dirixida ós meus alumnos. Xogade a ser poetas.

Agustín Fernández Paz concibe os libros como ríos de palabras que nos cambian a vida e nos implican na transformación do mundo. Vede Ríos de palabras.

Lede o texto de Paula Carballeira,  Só un libro.

Ó mellor tamén vos gusta ver esta curta de animación: