ESPERANDO O LEITEIRO E VIDRO E SOL. NEIRA VILAS

Xa expliquei que, ó ler Esperando o leiteiro de Neira Vilas, recordei Vidro e sol do mesmo autor. Déixovos estas actividades. Traballaremos na clase as que poidamos. Xa queda pouquiño!  Para facelas hai que volver ler os textos. 

ACTIVIDADES SOBRE O CONTO VIDRO E SOL DE NEIRA VILAS.

1. Explica o significado das seguintes palabras ou expresións: Proía, renque, morno, vieiros, trafegos, sin outro amparo, gurrucho, atafegaba, coma se ventase algo. No Dicionario da RAG non van aparecer todas, podes utilizar o Dicionario de dicionarios.
2. Escribe sinónimos das seguintes palabras: pelaba, lapra, fazulas, cavilar, esfachicouse.
3. En que estación do ano se desenvolve a acción? Xustifícao.
4. Alfredo é un neno pobre? Que idade pensas que pode ter? Explícao.
5. En que pensa Alfredo ó sentarse ó pé do carballizo? Cres que se sente explotado?
6. Como reacciona Alfredo? Pode ter algún significado o feito de que se quedase durmido?
7. Resume o conto. 

ACTIVIDADES DE COMPARACIÓN ENTRE O CONTO VIDRO E SOL E O TEXTO DE ESPERANDO O LEITEIRO .

1. O destinatario do leite é o mesmo nas dúas obras? É bo pagador?
2. O protagonista tiña que percorrer a mesma distancia para levar o leite nas dúas obras? Cantos quilómetros tiña que andar?
3. O lugar no que se senta e no que esfachica a botella presenta diferenzas?
4. A reacción do protagonista é a mesma nas dúas obras? O texto de Esperando o leiteiro non che parece máis explícito? Que cousas aclara este que tiñamos que supoñer no de Vidro e sol? Fíxate nas seguintes afirmacións: era como unha vinganza persoal, un desafogo en contra da inxustiza ...