Agora que estamos traballando en BAC o século XIX, quero que vexades un traballo no que se recollen fotos feitas por alumnos de 1º ESO e 1º BAC do curso pasado, e outras feitas por Avelina e por min.
Todas elas son placas de rúas da nosa cidade con nomes de escritores e escritoras do século XIX, e que escribiron en galego e en castelán. Despois de ver este álbum, darédesvos conta de cantos autores deixamos sen estudar. En realidade só podemos traballar os precursores e os mestres do Rexurdimento.
Están no álbum as rúas dos autores que estamos estudando?
Podedes completar o estudo do Rexurdimento consultando a páxina de Lingua 1º BAC, selecionade as ligazóns que vos interesen, e o blog Literatura galega.
Estades comentando o poema O cravo. En Literalingua podedes encontrar versións recitadas e musicadas deste poema. Xa vos deixo aquí a de Estíbaliz Espinosa:
Canta ilusión, cantas anécdotas, canto traballo, ... Por moitas máis aventuras destas! Rapaces, aínda que non volo pareza, paga a pena investir nestas tarefas, ...
ResponderEliminarA ver se me loce tanto como a ti, Marina, a entrada que eu faga con este album!
Houbo ilusión, anécdotas e traballo pero as tarefas compartidas son máis levadeiras. Como pateamos a cidade e cantos atrancos tivemos para atopar algunhas rúas!
ResponderEliminarAs túas entradas sempre son lucidas e con elas aprendemos e disfrutamos.