21.4.16

CERVANTES VIVE!


Hai moitas iniciativas para celebrar o cuarto centenario da morte de Cervantes. No IES Blanco Amor de Ourense están Vivindo Cervantes.

Eu quero contarvos que na nosa casa Cervantes vive, e moito máis cando nos visita Moira. Explícovolo.


Este busto da fotografía foi rescatado dun rocho, foi restaurado e desde aquela, ano 1983, está nun recuncho dunha das nosas bibliotecas. Gústalle moito a Moira e xa lle chama Cervantes. Cando sexa máis grandiña, habémoslle ler, ou lerá ela, O Quixote en cómic e, cando sexa grande de verdade, terá que lelo completo. Estou segura de que seus pais hanse encargar de que así sexa. Pode facelo en galego que é a lingua que lle están ensinando e na que xa fala.



Non pensedes que esquecín o libro galego, iso nunca! É un alto no camiño e ides permitirme este pequeniño cariño a Moira que, cada vez que vén á casa, lévanos da man para que vexamos con ela a Cervantes. 

1 comentario:

  1. Thanks for sharing, nice post! Post really provice useful information!

    Giaonhan247 chuyên dịch vụ vận chuyển hàng đi mỹ cũng như dịch vụ ship hàng mỹ từ dịch vụ nhận mua hộ hàng mỹ từ trang ebay vn cùng với dịch vụ mua hàng amazon về VN uy tín, giá rẻ.

    ResponderEliminar