XOSÉ MACEDA. CANTARES DE CEGO.

O xoves, 18 de decembro, os alumnos de segundo de ESO e os seus profesores puidemos ver como Xosé Maceda interpretaba para todos nós Cantares de cego. Estaba ataviado coas roupas propias do personaxe e acompañou os seus cantares coa súa zanfona. Ata tivo que deixar a barba para encarnar mellor a figura do cego ambulante que no pasado ía a feiras e romarías co seu repertorio.

Lembrades a historia d'A Rosiña do Estanqueiro e a de Manoel Docampo? Houbo máis, cales eran?

Xosé deunos coplas e non llas pagamos! Deíxovos aquí a d'A Rosiña do Estanqueiro para que a repasedes.

Xosé Maceda é músico e luthier. Fabrica instrumentos de percusión e é integrante do grupo de música folk "Quempallou", grupo para o cal compuxo varias cancións ó longo dos doce anos de traxectoria musical da formación, con discos como "Quenmpallou", "Estremonías" ou "Polo aire". Foi tamén profesor de música no Conservatorio de Monforte de Lemos e na Escola de Música da Pobra de Brollón (Lugo). Impartiu e imparte obradoiros de música tradicional galega e de fabricación de instrumentos en numerosos puntos da xeografía galega e mesmo fóra das nosas fronteiras, como París ou a Bretaña francesa. Unha das súas paixóns, no referente á música tradicional, é ofrecer espectáculos de recreación dos cantares de cego. (Información ofrecida por Olga)

Tamén participou noutro proxecto cultural: "Memoria do Incio" que comezou a súa andadura co libro Poesia no Incio. Neste libro recóllense poemas de Ánxel Fole, Uxío Novoneyra, Lois Pereiro, Manuel Rivas, Marica Campo, Claudio Rodríguez Fer e Olga Novo.

O noso agradecemento a Xosé Maceda e a Olga Novo que fixeron posible este acto.